الرئيسية / رأي / أزمة الدواء في السودان … القصه في سطور

أزمة الدواء في السودان … القصه في سطور

أرمimage بالنسبة لي موضوع الدواء و الهاشتاق المدور دا…
الناس الي مشاركة و عاملة شير و القصص دي هل في زول عارف المشكلة شنو؟؟!!
المشكلة انو الدواء بجي من دول برة مستورد و غالي..
الحكومة بتدعم الدواء بي انها بتدي شركات الادوية دولار بي سعر البنك عشان تجيب بيهو الدواء..
حاليا بنك السودان بقي ما عندو دولار و الدولة ما بتقدر تدي شركات الادوية دولار بي سعر البنك لانو ما عندها بقت شركات الادوية حا تشتري دولار من السوق الاسود بالتالي الحكومة بقي ما عندها سلطة انها تحدد و تفرض علي الشركات تبيع بي سعر معين و معروف انو الشركات عبارة عن تجار اذا ما كسب ما حا يبيع….
يبق الحل عشان يرجع الدعم انو الحكومة يبق عندها دولار غير كدا مافي اي طريقة يندعم بيها سعر الدواء دا تاني…

دا غير انو في شركات كتيرة كانت بتشيل دولار الدواء و تقلب بي في السوق الاسود و ما بتجيب بيهو دواء اساسا و ديل الحكومة عرفتهم و كانو من اسباب انها توقف دعم الدواء..
الفساد بقي منتشر حتي علي مستوي الافراد و الشركات…

الي حا يحصل في الفترة الجاية انعدام للدواء و غلاء سعرو جدا و دا حا يتسبب في موت ناس كتار شديد…
الحكومة مكتفة ما عندها حل و المواطن بي سكاتو علي القديم كلو حاليا بدفع ضريبة السكات دا…

عشان كدا الحل بقي ما معروف و كل الناس واقفين متفرجين لا الحكومة عندها حل و لا الشركات حا تبيع بي الخسارة…..
القصد الجشع وعدم الضمير ليس من الحكومه بس يعني التجار برضو هم شركاء المصايب دي
العمله الصعبه بتجيبه الحركه الاقتصاديه في التصدير لمنتاجاتنا وده ماااااف نحن حاليا بنجيب اي شي من بره ابقي الطلب علي الدولار اكتر من العرض عشان كده عملتنا قصاد الدولار مختفيه
#ارفعو_الحظر_عن_دعم_الدواء

شاهد أيضاً

ازمة الدواء تخطت الإطار الداخلي لتصبح أزمة علي مستوي العالم و إشانة سمعة للسودان

لم تحدث أزمة في البلاد مثل التي تسببت فيها اسعار الأدوية التي واكبت تخفيض العملة …

تعليق واحد

  1. ارفعوا الحظر عن دعم الدواء

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *