الرئيسية / رأي / الدمازين .. الكل يوحي بأنّ في هذه المدينة “سلام”

الدمازين .. الكل يوحي بأنّ في هذه المدينة “سلام”

وغلاوتي عندك..حبيت بت جيرانكم..!!

في مدينة الدمازين تحديداً الكل يوحي بأن في هذه المدينة “سلام”..!!

كافتريا السلام..!
مطعم السلام..!!
بوتيك السلام..!
صيدلية السلام..!!
السلام للعماري الجيد..!!
بقالة السلام…الخ

ومع كل ذلك اللافتات التي تحكي عن “السلام” للأسف الشديد داخل المدينة توجد تفلتات أمنية وأطراف المدينة تنعم بالحروبات..!

-مصر تدعم دولة الجنوب بالأدوية والمواد التويمينه و”الأسلحة”..!!

في الحقيقة مصر تدعم الحركات المسلحة السودانية وليس الجنوب..!!

إنما الجنوب هو “وسيلة” ليس إلا..!

-أصبح الإقتصاد السوداني يعتمد إعتماد كلياً علي “شرطة المرور” و “ديوان الزكاة” و “ناس الضرائب” و “الجمارك” و “ناس المحلية”..!!

يعني بمعني أصح “الحكومة” أصبحت بتاخد إيجار شهري من المواطنون مقابل سكنهم في السودان..!!

والله صحي صحي..!!

ياخ معقول بتاع العربية ادفع للحكومة بتاع “التمباك” يدفع للحكومة بتاع الدكان يدفع للحكومة بتاع الرصيد يدفع للحكومة ست الشاي تتدفع للحكومة..!!

أساساً الحكاية دي إيجار ما غير كده..!!

إحنا مؤجرين وليس أصحاب ملك يا حبيبنا..!!

ولو حصلت أي صيانة بندفع ثمنها من جيبنا وليس خصماً علي صاحب العقار..!!

للذلك ماتت في دواخلنا الوطنية بسبب تلك الإيجارات الباهظة..!!

-طبعاً أصعب حاجة في الدنيا دي تخش ليك حمامات عامة وتلقي مكتوب بداخلها:”ممنوع البول بأمر من الشرطة”..!!

صعبة والله يا مولانا..!!

بكلمك جد والله يامولانا صعب شديد..!!

قريبة من عطشان والبحر جمبك..!!

او ممكن تكون أقرب لـ:”جعان والمطاعم جمبك”..!!

وغايتو البلد دي إيجارها غالي “غلاوة”..!!

وغلاوتي عندك..حبيت بت “جيرانكم”..!

-علوية قالت “شوربة الحمام” بتندي الجسم..!!

يا علوية الجسم النديان ده من يوم نديان ما داير ليهو شوربة حمام..!!

اقول ليك حاجة علي بالقسم يا علوية جسمك ده إنتي كان شربتي ليهو “شوربة عصافير” ما اتصلح يا ام كرعين “مشققات”..!!

معقولة بت تلبس مقاس خمسة وأربعين وتتحدث عن “النديان”..!!

وهسة احنا إذا افترضنا جدلاً انو شوربة الحمام بتندي الجسم إنتي تلقي شوربة الحمام وين..!؟

والله لكن يا علوية انتي راح ليك الدرب في الموية..!!

-البت السودانية عندما تكون راكبه في المواصلات وتحب تلفت انتباه الركاب بتقول للسوق:”لو سمحت ياخ امشي براحة انت قايل نفسك شاحن ليك خرفان”..!!

لا شاحن ليهو تلفون جلكسي ههههههغ..!

ههههههغ في عينك..!!

وتفارق كيف تخلينا..وإحنا لسه ما “شلنا رقمك”..!!

شاهد أيضاً

الهندي عزالدين-عن تعديلات الحكومة والحزب.. و ثورة (الفيس) !!

لا شك عندي أن مشروع التغيير الذي ابتدره الرئيس “البشير” سيتواصل، بلوغاً لغاياته السياسية الشاملة …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

15 − eight =